Poulivalènto, curiouso e estrambourdado pèr l’envejo d’aprene, de fèbre contùnio, ai agu de drudo e noumbróusis esperiènci. Ai de diplomo dins de disciplino proufeciounalo : BTS Tourisme (oupcioun acuei-animacioun, especialita circuit touristi) e carto de guide.
D’annado de tèms, faguère mestié dins lou journalisme (courrespoudanto loucalo e esportivo de presso) e dins la coumunicacioun (à la radìo e dins un service municipau). Tout acò, l’aprenguère pèr la pratico. Ansin, counèisse bèn la realita de la vido vidanto d’aquésti mestié.
Après moun diplomo de BTS Tourisme, anère à l’universita de z-Ais-Marsiho mounte aguère ma tèsi de dóutourat que, en seguido, fuguè estampado en dous libre pèr li Presso Universitàri de Prouvènço.
Moun libre Taulo di riche, taulo dóu pople. Gastrounoumìo e tradicioun de la mangiho prouvençalo de l’Age Mejan à vuei, aguè lou pres Moussu e Madamo Amphoux pèr l’Acadèmi di Sciènci, Letro e Art de Marsiho (2014.)
Publique d’oubrage dins mis especialita e, emai mai, trasmete mi couneissènço e moun sabé pèr lou grand publi de mant-un biais. Li disciplino que ié fau mestié soun variado : recoustitucioun culinàri, escrituro d’un scenàri pèr un doucumentàri audio-visuau, visito guidado, counferènci (pèr lou castèu de Versailles, pèr eisèmple)…
Mi diferènti coumpetènci soun caupudo dins mi messioun scientifico :
– diagnousti icounougrafi di clastro de Sant-Pau-de-Mausole à Sant-Roumié-de-Prouvènço, que Vincèns Van Gogh ié fuguè espitalisa, pèr n’en faire uno restauracioun avenidouiro pèr la DRAC Prouvènço-Aups-Coustiero-d’Azur. Ai travaia de coutrìo emé d’àutris entre-presso (gabinet d’architèite, Hadès arqueoulougìo, etc.).
– entre-visto filmado pèr la counservacioun dins lis archiéu municipau (Sant-Martin-de-Crau).
– coumessàri scientifico de l’espousicioun Païsage anima e vido prouvençalo i siècle XIXen e XXen (Couleitiéu Prouvènço e Arsud).